Germaniyaning Shimoliy Reyn-Vestfaliya shtati hukumati joriy energetika inqirozi fonida moliyaviy favqulodda holat e'lon qilishdi.

Shu boisdan mavjud iqtisodiy vaziyatni bartaraf etish uchun 5 milliard yevro miqdorida yangi kreditlar olishni rejalashtirmoqda.

Hisobotga ko‘ra, hukumat joriy inqirozni yengish uchun ko‘proq kreditlarga muhtoj, ammo yaqin vaqtgacha byudjetdan mablag‘ sarflashni taqiqlovchi bir nechta omillar tufayli kredit ololmadi.

Shuning uchun rasmiylar moliyaviy favqulodda holat e’lon qilish orqali kelib chiqishi mumkin bo‘lgan muammolardan chekinmoqchi.

Shimoliy Reyn-Vestfaliya hukumati ko‘proq kredit olish rejalarini mintaqaning zaif iqtisodiy rivojlanishi bilan izohlamoqda.

Ma’lumotlarga ko‘ra, Germaniyada inflatsiya tezlashgani noyabr oyida Yevropadagi energetika inqirozi fonida 10 foizni tashkil etdi.

Yevropadagi energetika inqirozi iyul oyi boshida, Rossiyadan gaz yetkazib berishda birinchi marta uzilishlar yuz bergan paytda yomonlashdi.

• AQSh
• Buyuk Britaniya
• Germaniya
• Iqtisodiyot
• Rossiya