BAAning Dubay shahrida 27-dekabr, dushanba kuni Globe Soccer Awards—2021 marosimi boʻlib oʻtdi. Unda turli nominatsiyalar boʻyicha 2021-yilning eng yaxshilari aniqlandi.

Unga koʻra, “Bavariya” va Polsha terma jamoasi hujumchisi Robert Levandovski esa yilning eng yaxshi toʻpurariga topshiriladigan “Maradona sovrini”ni qoʻlga kiritdi — 69 ta gol. Shuningdek, Levandovski TikTok obunachilari talqiniga koʻra yilning eng yaxshi futbolchisi deb topildi.

Shuningdek, PSJ va Fransiya terma jamoasi hujumchisi Kilian Mbappe yilning eng yaxshi hujumchisi deb topildi. U 2021-yilda terma jamoa bilan Millatlar Ligasida gʻolib chiqdi.

Bundan tashqari, barcha davrlarning eng yaxshi toʻpurari sovrini esa Krishtianu Ronalduga (“Manchester Yunayted”, Portugaliya) topshirildi. U avvalroq Pelening rekordini yangilagan edi.

Oʻz navbatida, marosimda quyidagi nominatsiyalar boʻyicha munosiblar aniqlandi:

Yilning eng yaxshi darvozaboni — Janluiji Donnarumma (“PSJ”, Italiya terma jamoasi);

Yilning eng yaxshi himoyachisi — Leonardo Bonuchchi (“Yuventus”, Italiya);

Yilning eng yaxshi murabbiyi — Roberto Manchini (Italiya);

Yilning eng yaxshi ayol futbolchisi — Aleksa Putelyas (“Barselona”

Yilning eng yaxshi sport direktori — Chiki Begiristayn (“Manchester Siti”);

Yilning eng yaxshi agenti — Federiko Pastorell.

Yilning eng yaxshi ayollar jamoasi — “Barselona”

Yilning eng yaxshi erkaklar jamoasi — “Chelsi”

Yilning eng yaxshi milliy terma jamaosi — Italiya

• Futbol
• Xorij