Ispaniyaning “Tuttosport” nashri tomonidan mavsum davomida eng yaxshi oʻyin koʻrsatgan yosh futbolchini aniqlovchi “Golden Boy” sovrini o‘z egasiga topshirildi.

Mazkur sovrinning bu safargi gʻolibi sifatida “Barselona” va Ispaniya terma jamoasi yarim himoyachisi Pedri topildi. Bu kurashda 18 yoshli futbolchi quyidagi tengdoshlarini ortda qoldirdi:

Karim Adeyemi (“RB Zalsburg”), Jud Bellingem (“Borussiya” Dortmund), Eduardo Kamavinga (“Real”), Sharl de Ketelare (“Bryugge”), Gavi (“Barselona”), Brayan Xil (“Tottenxem”), Rayan Gravenberx (“Ayaks”), Meyson Grinvud (“Manchester Yunayted”), Daniel Maldini (“Milan”), Jamal Musiala (“Bavariya”), Nunu Mendesh (PSJ), Roberto Pikkoli (“Atalanta”), Yeremi Pino (“Vilyarreal”), Jovanni Reyna (“Borussiya” Dortmund), Rodrigo (“Real”), Bukayo Saka (“Arsenal”), Florian Virts (“Bayer”), Vilyam Saliba (“Marsel”), Yurriyen Timber (“Ayaks”).

Eslatib o‘tamiz, sovrin Pedriga rasman 15-dekabr kuni Turinda taqdim etiladi. Maʼlumot uchun, oʻtgan yilgi “Golden Boy” Erling Xoland boʻlgan edi.

• Futbol