Yulduzlar hayotida sodir boʻlgan har qanday voqea-hodisa shov-shuvga aylanib ketishi rost. Ammo, bu yulduzlar hayotiga oid maʼlumotlarning barchasi bizga maʼlum degani emas. Gollivudning birinchi raqamli goʻzallari bolalik vaqtlarida tengdoshlarining mazaxlariga duchor boʻlishgan, ijod uchun betakror sochlaridan voz kechishgan, goʻzallik tanlovlarida ishtirok etishgan. Biz bugun sizga Gollivud goʻzallari haqidagi koʻpchilik bilmaydigan maʼlumotlarni taqdim etamiz.

Ariana Grande: Mashhur soch turmagi siri

Ariana Grandening har doim bir hil soch turmagida yurishiga hech eʼtibor qaratganmisiz? Ushbu turmak xonandaning ixtiyoriy tanlovi emas, ehtiyotkorlik tufayli paydo boʻlgan gʻoyadir. Ariana oʻz vaqtida 4 yil uzluksiz ravishda sochini boʻyab yurishga majbur boʻlgan. Natijada sochlar zaiflashib, koʻrinishi xunuk holatga kelgan. “Mening haqiqiy sochlarim juda yomon boʻlib ketgan, ularni yoysam turmagim dahshatli koʻrinadi”, deydi xonandaning oʻzi.

Jennifer Lopes: Xonandaning sochlari tabiiy emas

Jennifer Lopesning hajmdor va toʻlqinsimon koʻrinishga ega sochlari ijodkorning tashrif qogʻoziga aylangan. Shunga qaramasdan aktrisa sochlari oʻziniki emasligini bir necha bor taʼkidlagan. Ijodkor muhim tadbirlarda ishtirok etish avvalidan maxsus ulama soch taqib oladi. Oʻzining tabiiy sochlari uzunligi esa yelkasiga ham tushmaydi.

Gal Gadot: “Isroil goʻzali” tanlovida gʻolib boʻlgan

Aktrisa Gal Gadot 19 yoshlik vaqtlarida “Isroil goʻzali” tanlovida ishtirok etish taklifini olgan. Boʻlgʻusi aktrisa tanlovda qatnashish yaxshigina tajriba boʻlishini anglab yetgan. Gʻolibalar oʻz-oʻzidan “Koinot goʻzali” tanlovida ishtirok etish imkoniyatini qoʻlga kiritar edilar. Gal Gadot tanlovda ishtirok etib, Isroilning birinchi raqamli goʻzali sifatida gʻoliblikka erishgan va “Koinot goʻzali” tanlovida Isroil nomidan qatnashgan.

Sofi Terner: Ariqlardan qoʻrqadi

“Taxtlar oʻyini” seriali yulduzi Sofi Terner koʻchadagi kanalizatsiya lyuklari va ariqlarni koʻrsa dahshatga tushadi. Bu aslida fobiya emas, aktrisa ularga yaqin yurmaslik istagini irimchiligi bilan izohlaydi.

Keyt Uinslet: “Titanik” filmining suratga olish ishlaridan soʻng Rouzning ziraklarini “oʻzlashtirgan”

Aktrisa Keyt Uinslet “Titanik” filmining suratga olish ishlari yakunlanganda Rouzning ziraklarini oʻzida qoldirishga qaror qilgan. “Odamlar ”White Star Line“ logotipi tushirilgan finjonlar va idishlarni olib ketishgan. Men esa boshqacha yoʻl tutganman. Rouzning ziraklarini oʻzlashtirganman, ammo keyinchalik ularning bittasini qayerdadir yoʻqotib qoʻydim”, deydi aktrisa.

Anjelina Joli: Samolyotni boshqarishni biladi

Taniqli aktrisa Anjelina Joli samolyotni mahorat bilan boshqara oladi. Uning uchuvchilik bilan shugʻullanishga imkon beruvchi maxsus litsenziyasi ham bor.

• Kino
• Madaniyat
• San’at
• Shou-biznes
• mashhurlar