BMT Bosh kotibi Antoniu Guterrish Bosh Assambleyaning falastinliklarga yordam ko‘rsatish masalalari bilan shug‘ullanuvchi maxsus qo‘mitasi yig‘ilishida ta’sirchan nutq so‘zladi.

U delegatlarni Livan, Suriya, Iordaniya yoki Gʻazoda yashovchi yosh erkak yoki ayol falastinlik qochqinning o‘rniga qo‘yishni taklif qildi. “Mamlakatingizda siyosiy yechim topish istiqboli har qachongidan ham qiyinroq ko‘rinadi, tinchlik jarayoni to‘xtab qoldi, vositachilar to‘rtligi kabi eng faol global mexanizmlar hatto vazirlar darajasida ham uchrasha olmayapti”, dedi Guterrish.

Uning so‘zlariga ko‘ra, mintaqadagi bir qancha davlatlar allaqachon mavjud holatga ko‘nikkan, Falastinda aholi punktlari faoliyati kengaymoqda, falastinliklar esa ko‘chirilishda davom etmoqda. Eslatib o‘tamiz, Yaqin Sharqdagi mojaroni tinch yo‘l bilan hal qilish uchun vositachilarning xalqaro "to‘rtligi" 2002 yilda tuzilgan. Unga BMT, Yevropa Ittifoqi, Rossiya va AQSH kiradi.

• BMT
• Falastin