Oʻtgan yillar davomida “Qizilqum” bosh direktori, bosh menejeri va bosh murabbiy lavozimlarida faoliyat yuritgan , 2022-yilgi mavsum oldidan esa klub rahbariyati oʻzgargach, Navoiy jamoasini tark etgan Hamidjon Aktamov yana Superligaga qaytdi.
“Surxon” klubi matbuot xizmatining maʼlum qilishicha, Navoiy klubi sobiq rahbari va murabbiyi Hamidjon Aktamov Termiz klubida ish boshlagan.
“Klub vise-prezidenti Jahongir Usmanov qaroriga koʻra, Hamidjon Aktamov klubimizning bosh menejeri etib tayinlandi. Taniqli mutaxassis avval Navoiyning “Qizilqum” jamoasida ishlagan va Oʻzbekistondagi eng yaxshi sport menejerlaridan biri sanaladi”, – deyiladi xabarda.
Maʼlumot oʻrnida, ispaniyalik Anxel Lopes murabbiyligidagi “Surxon” Superliga 16-turidan keyin 13 ochko bilan 12-oʻrinda bormoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!