KK nomi bilan tanilgan hindistonlik qo‘shiqchi Krishnakumar Kunnat Kalkutta shahridagi konsertidan so‘ng vafot etdi. Bu haqda The Guardian xabar bermoqda.

53 yoshli qo‘shiqchining o‘limiga yurak xuruji sabab bo‘lgan. Times of India nashrining yozishicha, Kunnat konsert vaqtida o‘zini yomon his qilgan. Ko‘rsatuvdan so‘ng u ahvoli yaxshi emasligidan shikoyat qilib, mehmonxonaga qaytmoqchi bo‘lgan.

Ta’kidlanishicha, u o‘z xonasida hushini yo‘qotgan, shundan so‘ng uni kasalxonaga olib borishgan. 

Ma’lumot uchun, Kunnat 1968-yilda Dehlida tug‘ilgan. U o‘z faoliyatini radioda boshlagan. 

1999-yilda u Bollivudda “Hum Dil De Chuke Sanam” filmi uchun qo‘shig‘i bilan debyut qilgan, o‘sha yili Kunnat o‘zining birinchi yakkaxon albomini chiqargan.

KK turli tillarda, shu jumladan hind, bengal, tamil, assam, telugu, kannada, malayalam, marati va gujarati tillarida kuylagan.

• Hindiston