IIV fuqarolarni android tizimi foydalanuvchilarini yangi zararli dasturdan ogohlantirmoqda.

Vazirlik bergan maʼlumotga ko‘ra, joriy yilning 15 iyun kuni Italiya va Ispaniya davlatlarida android tizimi uchun yangi zararli dastur tarqalganligi aniqlangan. Ushbu dastur onlayn-banking va kriptovalyuta hamyoni bo‘lgan mijozlarning parollari va shaxsiy maʼlumotlarini o‘g‘irlash uchun ishlab chiqilgan bo‘lib, zararli dastur “MaliBot” deb nomlangan.

Ushbu dastur android tizimiga o‘zini kriptovalyuta qazib oluvchi dastur sifatida ko‘rsatadi va telefon qurilmasidagi “cookie” fayllarni o‘g‘irlaydi, ko‘p faktorli autentifikatsiya kod (MFA)larni chetlab o‘tadi va qurilma ekranini kuzatib boradi.

“Hech qachon kompyuter, telefon va boshqa qurilmalaringizga ishonchsiz bo‘lgan dasturlarni o‘rnatmang! Aks holda kiberjinoyat qurboni bo‘lishingiz mumkin”, – deya ogohlantirmoqda vazirlik.

• IIV
• Jinoyat
• Kiberxavfsizlik