Bosh prokuratura huzuridagi Departamentning Jomboy tuman boʻlimi tomonidan IIB va Milliy gvardiya xodimlari bilan hamkorlikda tezkor tadbir oʻtkazilgan.

Unda Samarqand shahar “Oʻrtaxoʻjasoat” MFY hududida valyuta ayirboshlash bilan shugʻullanib kelgan N.M. jami 3 900 AQSh dollarini fuqaro X.N.ga 44,8 mln. soʻmga sotgan vaqtida ashyoviy dalillar bilan ushlangan.

Shu kabi, Departamentning Fargʻona shahar boʻlimi tomonidan oʻtkazilgan tezkor tadbirda, valyuta ayirboshlash bilan shugʻullanib kelgan M.U. fuqaro Z.Sh.ga jami 3 000 AQSh dollarini 34,2 mln. soʻmga sotishga kelishib, shundan 1 500 AQSh dollarini bergan vaqtida ashyoviy dalillar bilan ushlangan.

Maʼlum qilinishicha, mazkur holatlar yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki oʻtkazish) bilan jinoyat ishlari qoʻzgʻatilib, tergov harakatlari oʻtkazilmoqda.

• Departament
• Dollar
• Jinoyat
• Valyuta