Dunyoning eng badavlat milliarderi Ilon Maskning SpaceX kompaniyasi o‘z aksiyadorlaridan 337,4 million AQSh dollar mablag‘ yig‘ib olgan
SpaceX so‘nggi moliyalashtirish bosqichiga oid tafsilotlar haqidagi so‘rovga javob bermagan. Aprel oyida kompaniya aksiyadorlardan 1,6 milliard dollarga yaqin mablag‘ jalb qilgan edi. U o‘zining asosiy investorlari sifatida Alphabet (Google’ning bosh kompaniyasi) va Fidelity fondini aytib o‘tgan.
Shuningdek, Ilon Maskning raketa va kosmik kompaniyasi Jeff Bezosning Blue Origin kompaniyasi va Richard Brensonning Virgin Galactic kompaniyasi bilan raqobatlashadi. Har uchala kompaniya tinch aholini koinotga muvaffaqiyatli uchirishga erishgani qayd etilgan.
Morgan Stanley ma’lumotlariga ko‘ra, 2040-yilga borib kosmik sanoat iqtisodiyoti 1 trillion AQSh dollarga yetishi mumkin. CNBC ma’lumotlariga ko‘ra, SpaceX kompaniyasi 100 milliard AQSh dollarga baholangan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!