Buyuk Britaniyaning Sogʻliqni saqlash milliy xizmati mutaxassislari immun tizimini mustahkamlashga yordam beruvchi mahsulotlarni sanab oʻtishdi. Ushbu mahsulotlarning doimiy tanovuli kasalliklarga qarshi kurashish va ularni yuqtirib olgan taqdirda ham tezroq sogʻayishga yordam beradi.
Immunitetni mustahkamlashdagi eng foydali mahsulotlar roʻyxatida yetakchi – sitrus mevalardir. Ular immun tizimini ragʻbatlantirish bilan birga infeksiyalarga qarshi kurashadi. Brokkoli A, C, E vitaminlari, shuningdek kletchatka hamda antioksidantlarga boy. Sarimsoq tarkibidagi foydali birikmalar hisobiga shamollash xavfini kamaytiradi, uning osonroq kechishiga yordam beradi.
Zanjabil yalligʻlanishga qarshi kurashish xususiyatiga ega, zanjabilli choy esa tomoqdagi ogʻriqni yoʻq qilishga yordam beradi. Roʻyxatdagi beshinchi mahsulot tovuq goʻshti boʻlib, u oʻz tarkibida katta miqdorda B6 vitaminini saqlaydi, oqsil manbai boʻlgani hisobiga organizmning kasallikni tezroq yengishiga yordam beradi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!