Indoneziyalik talaba Sulton Gustav al-Gʻozaliy 933 ta selfi suratidan iborat toʻplamni “OpenSea” NFT-auksionida sotib, millionerga aylandi.

Yigit selfi suratlarini 5 yil davomida yigʻgan. U universitetni bitirishi munosabati bilan esdalik uchun videorolik yaratmoqchi boʻlgan, shu maqsadda oʻzini har kuni suratga olgan. Keyin esa uning hayoliga yanada qiziqarli gʻoya kelib qolgan. Shu tariqa talaba suratlarni NFT-kimoshdi savdosiga qoʻygan.

Avvaliga suratlarning boshlangʻich narxi unchalik katta boʻlmagan, ammo ushbu toʻplam mahalliy yulduzlardan birining eʼtiborini oʻziga tortgan. Natijada toʻplamning xaridorlari koʻpayib ketgan.

Talaba kelgusida NFT biznesi bilan shugʻullanmoqchi emas. U qoʻlga kiritilgan mablagʻni oʻz biznesini boshlash va animatsion studiya ochish uchun sarflamoqchi.

• Auksion
• qiziqarli