Ispaniyaning Yevropadagi eng yirik “Air Nostrum” aviakompaniyasi Britaniyaning “Hybrid Air Vehicles” (HAV) kompaniyasidan 10 ta gibrid dirijabldan iborat havo parkini sotib oldi. Ishga kirishish 2026 yilga mo‘ljallangan. Qayd etilishicha, bu ishlayotgan havo kemalari sonini tubdan oshirishga imkon beradi. Bugungi kunda dunyoda XX asrning o‘rtalarida ishlab chiqarilgan yuzlab dirijabllardan 25 ga yaqini qolgan.

Yangi avlod havo kemasi

Dastlab “Hybrid Air Vehicles” tomonidan 2016-yilda e’lon qilingan “Airlander 10” 100 yo‘lovchiga mo‘ljallangan geliy dirijablidir. Asosiy modelda to‘rtta dizel dvigatel ishlatiladi. HAV vakillarining ta’kidlashicha, dirijabl atmosferaga issiqxona gazlari chiqindilarini standart yo‘lovchi samolyotlariga nisbatan 75 foizga kamroq chiqaradi. Elektr energiyasidan foydalanadigan gibrid modellar chiqindilarni 90 foizgacha qisqartirishi mumkin, ammo kerakli dvigatellar 2025-yilgacha tayyor bo‘lishi kutilmaydi.

Yangi avlod havo kemalarining xususiyatlari

“Hybrid Air Vehicles” 2022-yilda Buyuk Britaniyaning Yorkshir shahrida havo kemalarini ishlab chiqarishni boshlashni rejalashtirmoqda. Kompaniya rasmiylarining ta’kidlashicha, “Airlander 10” 7,4 ming km masofani bosib o‘tishga qodir, u besh kun davomida parvozda qolishi va 6 ming metr balandlikka ko‘tarilishi mumkin. Shu bilan birga, havo kemalarining kreyser tezligi soatiga atigi 130 km, buni zamonaviy poyezdlar bilan taqqoslash mumkin. Ekologik manfaatlardan tashqari, dirijabllar ayeroportlarning an’anaviy noqulay infratuzilmalarisiz, turli sirtlardan, jumladan, qirg‘oqlar, dalalar va to‘xtash joylaridan qo‘nish va uchish uchun pnevmatik yo‘laklardan foydalanishi mumkin.

Havo sayohatining yorqin kelajagi

“Air Nostrum” XXI asrda birinchi tijoriy dirijabl buyurtmasini berdi va “Hybrid Air Vehicles”ning birinchi mijoziga aylandi. Aviakompaniya ularni Ispaniya ichidagi mintaqaviy yo‘nalishlarda parvozlar uchun ishlatmoqchi. Boshqa potensial reyslar Siyetl-Vankuver va Oslo-Stokgolm shaharlariga tashkil etiladi. HAV ijrochi direktori Tom Grundi Fransiya, Daniya, Norvegiya, Ispaniya hamda Buyuk Britaniya ichki va qisqa masofali reyslarni karbonsizlantirish bo‘yicha ulkan rejalarni amalga oshirishni boshlagan bir paytda, “Hybrid Air Vehicles” va “Air Nostrum group” yaqin kelajakda bunga qanday erishish mumkinligi haqida aniq dasturga ega ekanini ma’lum qildi.

• Britaniya
• Ispaniya
• Jamoat transporti
• Ob-havo