Jahon banki ijrochi direktorlari kengashi O‘zbekistonga imtiyozli kredit berishni ma’qullagan. Moliyalashtirish milliy statistika tizimini modernizasiya qilish bo‘yicha besh yillik loyihani amalga oshirish uchun sarflanishi aytilmoqda.

Kredit 30 yilga 5 yillik imtiyozli davr bilan ajratilgan.

Jahon banki ajratayotgan mazkur mablag‘lar O‘zbekistonning Milliy statistika tizimini 2020–2025 yillarda rivojlantirishga mo‘ljallangan bo‘lib, u bir nechta komponentlarni va chora-tadbirlarni o‘z ichiga oladi.

Jumladan, ushbu loyiha Davstatqo‘mning salohiyatini rivojlantirish, statistik ma’lumotlarni yig‘ish va tahlili qilishni modernizasiya qilish hamda Qo‘mitaning moddiy-texnik ta’minoti va statistik ma’lumotlarni tarqatishni yaxshilashni nazarda tutmoqda.

Jahon bankining O‘zbekistondagi vakolatxonasi rahbari Marko Mantovanellining ta’kidlashicha, Davlat statistika qo‘mitasi 2020–2025-yillarga mo‘ljallangan statistikani rivojlantirishning Milliy strategiyasi Jahon bankining texnik ko‘magi bilan ishlab chiqilgan.

Uning ta’kidlashicha, Hozirgi kunda ishlab chiqilayotgan yangi besh yillik hamkorlik dasturi doirasida Jahon banki 2022-2026-yillarga mo‘ljallangan O‘zbekistonning Taraqqiyot strategiyasida nazarda tutilgan islohotlarni amalga oshirishda hukumatni moliyaviy va tahliliy jihatdan qo‘llab-quvvatlashda davom etadi.

• Jahon banki
• Kredit
• statistika