Josus 007 – Jeyms Bond haqida suratga olingan filmlar orqali mashhurlikka erishgan aktyor Deniel Kreyg kino va teatr sohasidagi xizmatlari uchun Britaniyaning ritsarlik ordeni bilan taqdirlandi. Bu haqida Buyuk Britaniya hukumatining rasmiy saytida maʼlum qilingan.
Aktyor orden kavaleri darajasini olgan. Oʻtgan yili unga Bond roli uchun Buyuk Britaniya Qirollik flotining faxriy qoʻmondoni unvoni berilgan edi. Kreyg taniqli jurnalist, yozuvchi va Britaniya harbiy razvedkasi ofitseri Yan Fleming qalamiga mansub asar asosida suratga olingan oxirgi beshta filmda Jeyms Bond rolini ijro etgan.
Qizigʻi shundaki, Bondning oʻzi ham maxfiy missiyalarni muvaffaqiyatli bajargani uchun aynan mana shu ordenga munosib koʻrilgan.
Joriy yilda ritsarlik ordeni Kreyg bilan bir qatorda siyosatchi va diplomatlarga ham topshiriladi. Maʼlumotlarga koʻra, ular orasida Buyuk Britaniyaning sobiq bosh vaziri Toni Bler ham bor.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!