“Jeyms Uebb” teleskopi shu oyda kosmosga chiqariladi va eskirgan “Xabbl” teleskopining oʻrnini egallaydi. Uni loyihalashtirish va yaratish ishlari 30 yil avval boshlangan. NASA infraqizil observatoriyaning qanday kashfiyotlar qilishini kutmoqda?
Bunga ishonish qiyin, ammo Jeyms Uebb teleskopi gʻoyasi 1989-yilda, “Xabbl” teleskopi kosmosga chiqarilguniga qadar taklif etilgan. Loyihaning qiymati 11 milliardgacha yetgan, bundan tashqari teleskopni kosmosga chiqarish muddati bir necha marta ortga surilgan.
NASA astronomi Xaydi Xammelning aytishicha, “Jeyms Uebb” teleskopi kelgusidagi astronomik tadqiqotlar uchun muhim ahamiyatga ega. Yangi teleskopning infraqizil skanerlash imkoniyati kosmik makonni tasvirlashda muhim ahamiyat kasb etadi.
Apparatning asosiy ilmiy missiyasi 10 yilga moʻljallangan boʻlib, teleskop bu yillar davomida galaktikalarning shakllanishini oʻrganadi, yulduzlar va sayyoralarning paydo boʻlishini kuzatadi, ekzosayyoralardagi hayot mavjudligining ehtimoliy belgilarini tahlil qiladi, koinotdagi eng qadimiy yulduzlarni tadqiq etadi. Olimlar “Jeyms Uebb”ning ekzosayyoralarda hayot belgilarini aniqlovchi ilk qurilmaga aylanishini kutishmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!