NASA kosmik agentligiga tegishli Jeyms Uebb teleskopi 24-dekabr kuni kosmosga uchiriladi. Bu haqida agentlikning rasmiy saytida maʼlum qilindi.

Teleskop Gvianadagi Kuru kosmodromidan “Ariane 5” raketasining birinchi bosqichi ichida yigʻilgan holatda kosmosga koʻtariladi. U 1,6 million kilometr yoʻl bosgandan keyin toʻlaqonli ravishda ishlashni boshlaydi, uskunalarni sozlash uchun esa yana 5 oy vaqt kerak boʻladi.

Apparatning umumiy qiymati 10 milliard dollarni tashkil etadi. Olimlar uning ustida 25 yil davomida ish olib borganlar. Jeyms Uebb – insoniyat tarixidagi eng kuchli teleskop boʻlib, koinotdagi birinchi yulduz hamda galaktikalarni qidirish, Quyosh tizimidan tashqaridagi ekzosayyoralar atmosferasini tadqiq qilish bilan shugʻullanadi.

• Koinot
• NASA