Joriy yilning o‘tgan 10 oyi mobaynida o‘zbekistonliklar elektromobillar sotib olish uchun 55,4 mln. AQSH dollari sarflagan. Bu haqda Davlat statistika qo‘mitasi ma’lum qildi.

Qayd etilishicha, O‘zbekiston 2022-yilning yanvar-oktyabr oylarida xorijdan qiymati 55 mln. dollaridan ziyod bo‘lgan 1 749 dona elektromobil import qilgan.

Ta’kidlanishicha, elektromobillar importi 2021-yilning mos davri bilan solishtirilganda 1136 taga oshgan.

O‘zbekiston joriy yilning 10 oyida eng ko‘p elektromobillar import qilingan davlatlar:

Xitoy – 1 528 dona;
BAA – 111 dona;
Germaniya – 48 dona;
Gonkong – 37 dona;
Litva – 10 dona;
Koreya – 7 dona;
Boshqa davlatlar – 8 dona.

• Elektromobil
• Import
• O‘zbekiston
• Xitoy