Maymunchechak virusidan eng ko‘p Yevropa aholisi aziyat chekmoqda. Hozirgacha u yerda ro‘yxatga olingan bemorlar soni dunyo bo‘yicha tasdiqlangan jami ko‘rsatkichning qariyb 90 foiziga teng. Xususan, mazkur xavfli infeksiya qit’aning 31 mamlakatida qayd etilgan. Bu haqda O'zbekiston SSV xabar berdi.
JSST vakilining ta’kidlashicha, shu kunga qadar maymun chechagidan Yevropada o‘lim holatlari kuzatilgani yo‘q. Ammo bu xotirjamlik uchun asos bo‘lolmaydi.
Chunki toshma, isitma, charchoq, bosh, tomoq va mushaklar og‘rig‘i, qusish, diareya kabi belgilar bilan namoyon bo‘layotgan mazkur xastalik kun sayin turli davlatlarga tarqab boryapti.
Bundan tashqari, Yevropada keyingi bir oy ichida koronavirus infeksiyasini yuqtirish holatlari ham 3 barobarga oshgan.
Ayni paytda qit’aning 53 ta davlatida kuniga 500 ming nafarga yaqin kishida COVID-19 aniqlanmoqda. Shu bilan birga, o‘lim ko‘rsatkichlari ham 2020 yil yoz mavsumi darajasiga yaqinlashdi: kuniga qariyb 500 kishi koronavirus tufayli hayotdan ko‘z yumyapti.
JSST bugungi kunda aholi o‘z vaqtida, to‘liq bosqichda emlanishi, qolaversa, jamoat joylarida niqob taqib yurishi zarur, degan qarorga keldi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!