Janubiy koreyalik ijodkorlar tomonidan suratga olingan “Kalmar oʻyini” seriali YouTube platformasida mashhurlik borasida “Taxtlar oʻyini” serialini ortda qoldirdi.

Maʼlum boʻlishicha, videoxostingdagi ushbu serialga bogʻliq roliklar soni 129 mingtadan oshib ketgan, ular orasida rasmiy treylerlardan tortib serial muxlislari tomonidan ishlangan kliplar ham bor. 10-noyabr holatiga koʻra, ushbu mavzuga aloqador kontent 17 milliard marta tomosha qilingan. Foydalanuvchilar tomonidan ularga 535 million marta layk bosilgan va izoh qoldirilgan.

“Taxtlar oʻyini” seriali asosida ishlangan videolar soni esa 420 mingtani tashkil qiladi. Ushbu videolar 10 yil mobaynida 16,9 milliard marta tomosha qilingan. Amerikalik ijodkorlar suratga olgan mazkur serial foydalanuvchilar tomonidan bildirilgan reaksiyalar miqdori boʻyicha ham “Kalmar oʻyini”dan ortda qolib ketgan. Unga 233 million marta layk va dizlayk bosilgan, shuningdek izoh qoldirilgan.

• Kino