Kanadalik aktyor va rejissyor, “Matritsa” franshizasi yulduzi Kianu Rivz eng sevimli filmlarini sanab oʻtdi. Roʻyxatda “Matritsa” va “Jon Uik” franshizalarining birorta ham filmi yoʻq. U sevimli kinoasarlari orasida oʻzi rol ijro etgan birgina “Neon maxluq” filmini tilga olib oʻtgan, xolos.

Aktyorning “Matritsa” filmidagi hamkasbi Kerri Enn Moss Kianu Rivz bilan uyushtirilgan intervyu vaqtida undan farzandlari bilan birgalikda tomosha qilishi mumkin boʻlgan film tavsiya qilishni soʻragan. Aktyor esa bunga javoban sevimli filmlari roʻyxatini keltirib oʻtgan.

Roʻyxatga “Burma apelsin”, “Rollerbol”, “Yomon partiya”, “Doktor Streynjlav”, “Etti samuray”, “Amadey”, “Rozenkrans va Gildenstern oʻldi”, “Yovuz marhumlar”, “Arizonani tarbiyalab”, “Katta Lebovski”, “Nikita”, “Professional”, “Yosh Frankenshteyn”, “Yaltiroq egar”, “Monti Payton va Muqaddas Graal”, “Josi Ueyls – qonundan tashqaridagi odam”, “Telba Maks 2: Yoʻl jangchisi” filmlari kiritilgan. Ijodkor oʻz hamkasbiga aynan mana shu filmlarni tomosha qilishni maslahat bergan.

• Kino
• Madaniyat
• San’at
• mashhurlar