“Matritsa: Tirilish” filmida Neo rolini ijro etib, ekranlarga qaytgan aktyor Kianu Rivz ushbu filmdagi ishtiroki uchun 12-14 million AQSh dollari miqdorida haq olgani maʼlum boʻldi.

Aktyorga filmdagi ishtirok uchun qancha pul vaʼda qilingani aniq emas, boisi ijodkorning gonorari filmning kinoteatrlardagi namoyishi yakunlangandan keyin bir necha barobarga oshib ketishi ham mumkin.

Maʼlumot uchun, taniqli aktyor “Matritsa” filmining 1999-yilda suratga olingan birinchi qismidagi ishtiroki uchun 10 million dollar, kinoteatrlardagi namoyishlardan keyin 25 million dollar miqdorida haq olgan.

Opa-singil Vachovskilar tomonidan suratga olingan franshizaning birinchi qismi ijodkorlarga umumiy hisobda 465 million dollar miqdorida daromad keltirgan, suratga olish ishlari uchun esa 63 million dollar sarflangan.

“Matritsa: Tirilish” filmining suratga olish ishlari uchun 148 million dollar miqdorida byudjet ajratilgan, u birinchi film rekordini yangilay oladimi, yoʻqmi – bunisini vaqt koʻrsatadi.

• Kino
• Madaniyat
• San’at
• qiziqarli