Amerikalik olimlar keksa yoshli insonlarning koʻrish qobiliyatini yaxshilashga yordam beruvchi maxsus dori vositasini ishlab chiqishdi. Uning taʼsiri bir necha soatga yetadi va dori koʻzga tomizilgan vaqtda koʻrish qobiliyati keskin yaxshilanadi.

40 yoshdan keyin aksariyat insonlarda koʻrish qobiliyati yomonlasha boshlaydi. Bugungi kunda biopsiyadan 1 milliarddan ortiq odam aziyat chekadi. Foydalanish uchun qulay boʻlgan tomchi dorilar esa ana shunday bemorlarga qoʻl keladi.

Pittsburg tibbiyot fanlari universiteti professori Robert Bittnerning aytishicha, yangi dori vositasi koʻzoynak, kontakt linzalar va jarrohlik amaliyoti oʻrnini bosishi mumkin. Tomchi dori koʻz gavharidagi oʻzgarishlarning oldini oladi, qorachiqni toraytiradi. Natijada odam atrofni yaxshiroq koʻra boshlaydi.

Dori vositasi asosini pilokardin tashkil qiladi. Olimlar undan glaukoma va koʻz gipertenziyasini davolashda ham foydalanadilar. Preparat koʻzga tomizilgandan keyin oradan 15 daqiqa oʻtib, taʼsir qilishni boshlaydi. Vositaning taʼsiri 6 soatga yetadi. Preparat bosh ogʻrigʻi va koʻz qizarishiga sabab boʻlishi mumkin. Shu boisdan uni kuniga bir martadan koʻp ishlatish tavsiya etilmaydi.

• ilm-fan
• ixtiro
• salomatlik
• tadqiqot