“Qizil iblislar” matbuot xizmati xabariga koʻra, “Manchester Yunayted” jamoasida koronavirus tarqalishi sababli mashgʻulotlar bazasini 24 soatga yopdi.

Klub Angliya premyer-ligasi rahbariyati bilan ertaga, 14-dekabr kuni boʻlib oʻtadigan “Brentford”ga qarshi safar oʻyinini boshqa muddatga koʻchirish imkoniyatini muhokama qilmoqda.

Eslatib oʻtish mumkin, 12-dekabr, yakshanba kuni “Manchester Yunayted”ning bir qancha xodimlari va futbolchilarida koronavirus aniqlangan edi. Shu sababli, yakshanba mashgʻulotlari oʻzgartirilgan rejimda boʻlib oʻtdi.

Futbolchilar kontaktsiz rejimda yakka tartibda mashgʻulot olib borishgan. Koronavirus testi ijobiy chiqqanlar uylariga ketishgan.

• Futbol
• Xorij