Banan – kaliyga boy boʻlgan eng mazali mahsulotlardan biri. U qoʻshib tayyorlangan shirinliklar esa yoqimli hidi va taʼmi bilan koʻnglingiz va taomnomangizdan mustahkam joy egallaydi.

Kerakli masalliqlar:

– Banan – 320 gr

– Un – 420 gr

– Qavartma – 15 gr

– Sariyogʻ – 225 gr

– Shakar – 400 gr

– Tuxum – 4 dona

– Sut – 375 ml

– Zanjabil – 1 choyqoshiq

Tayyorlanishi:

1. Banan sanchqi yordamida ezib olinadi.

2. Un, qavartma va zanjabil oʻzaro qorishtiriladi.

3. Xona haroratidagi sariyogʻ mikser yordamida koʻpirtiriladi va ustidan shakar solinadi. Koʻpirtirish davom ettiriladi.

4. Masalliqlar ustidan birin-ketin tuxum chaqiladi.

5. Aralashma ichiga unli qorishmaning yarmi solinadi. Shundan keyin massa ustidan sut quyiladi.

6. Endi esa navbat unli aralashmaning qolgan yarmiga!

7. Xamir ichiga banan pyuresi qoʻshiladi.

8. Xamirga rang berish uchun uning ichiga bir necha tomchi oziq-ovqat boʻyogʻidan solib yuborishingiz ham mumkin.

9. Xamir pergament qogʻoz toʻshalgan uchta qolipga taqsimlanadi.

10. Biskvitlar 170 daraja haroratda 50-60 daqiqa pishiriladi.

11. Pishgan biskvitlar istalgan turdagi krem bilan ustma-ust taxlanadi.

12. Tayyor tortning ustki qismiga merenga boʻlaklari yordamida bezak beriladi.

Manba

• Foydali
• layfxak
• qiziqarli