Reya – Saturnning ilmiy nuqtai nazardan eng ajoyib hamda qiziqarli yoʻldoshlaridan biri. U 1672-yilning 23-dekabr kuni kashf etilgan.
Reyaning kashf etilishi
Reya 1672 yilda italiyalik olim Jovanni Kassini tomonidan kashf etilgan. Avvaliga unga Lui.S deb nom berilgan va yoʻldosh kelgusi 175 yil davomida mana shu nom bilan atalgan. 1847-yili angliyalik Jon Gershel yoʻldoshning nomini Reyaga oʻzgartirish taklifini beradi. Shu tariqa Saturnning yoʻldoshi Reya nomi bilan atala boshlagan. Reya – qadimgi yunon mifologiyasida koʻplab ilohalarning onasi sifatida aks ettiriladigan titanlardan biri boʻlgan. Yoʻldoshga ham aynan uning nomi berilgan.
Reya jumboqlari
Yoʻldosh haqidagi qimmatli maʼlumotlarni Saturn va uning yoʻldoshlarini tadqiq qilgan Kassini kosmik apparati taqdim etgan.
Reya Saturnga har doim bitta tomoni bilan oʻgirilib turadi, ikkinchi tomoni esa katta-kichik kraterlar bilan qoplangan va oʻziga xos qalqon vazifasini oʻtaydi.
Reya tarkibining 30 foizini tosh jinslari tashkil qiladi, qolgani esa muz shaklidagi suvdan iborat.
Reya – noyob kosmik jism. Uning kislorodli atmosferasida nafas olish ham mumkin. Atmosfera Saturnning kuchli magnit maydoni taʼsiri ostida muzning parchalanishi oqibatida hosil boʻladi.
Yoʻldoshda kisloroddan tashqari, karbonad angidrid gazi ham bor, bu esa yoʻldosh yuzasida oddiy hayot shakli mavjudligini taxmin qilishga imkon beradi.
Reyaning kelajagi
Yaqin kelajakda meteoritlar va kosmik chiqindi masalasida nisbatan xavfsiz boʻlgani va atmosferasi tufayli Reyadan foydali qazilmalar olish hududi sifatida foydalanish mumkin. Buning uchun, yoʻldosh yuzasidagi muzlar yorilishi oqibatida yuzaga keladigan muammolar bartaraf etilsa bas.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!