Amerikalik yozuvchi Mark Tven oʻz asarlarining aksariyat qismini sarguzashtlar mavzusiga bagʻishlangan, shu bilan birga uning hayoti ham sarguzashtlarga boy boʻlgan. Adibning toʻliq ismi Semyuyel Lengxorn Klemens edi. U 1835-yilning 30-noyabr kuni, Yerga Galleya kometasi yaqinlashganida dunyoga kelgan. Qiziqarli tomoni shundaki, adib vafot etgan kunda ham Yer sayyorasi ustidan aynan oʻsha samoviy jism ikkinchi marta uchib oʻtgan.

- Mark Tven hayoti davomida 47 ta asar yozgan, ularning aksariyat qismi katta romanlar boʻlgan.

- Yozuvchi oʻz hayoti haqida memuarlar yozib qoldirgani uchun ham u haqidagi haqqoniy maʼlumotlar bizgacha yetib kelgan.

- Mark Tven asarlari 20 martadan koʻp sahnalashtirilgan.

- Adib turli-tuman maʼruzalar bilan chiqishlar qilgan, ammo ularning hech birini yozib qoʻymagani tufayli maʼruza matnlari bugungi kunga qadar yetib kelmagan.

- Mark Tven tomonidan yozilgan ayrim asarlar uning oʻlimidan keyin nashr qilingan. Adib oʻz vasiyatnomasida ularning ayrimlarini oʻlimidan keyin oradan maʼlum vaqt oʻtmay turib nashr qilishni taqiqlagan.-Adib sayohat qilishni juda yaxshi koʻrgan. U hayotlik davrlarida Yevropa mamlakatlari va Rossiya imperiyasini aylanib chiqqan.

- Mark Tven 26 yoshida masonlar safiga qabul qilingan.

- Taniqli adib Ernest Xeminguey Amerika adabiyotini “Mark Tven ijodi mavzusiga oid variantlar” deb taʼriflagan.

- Rossiyalik yozuvchilarning aksariyati, jumladan Maksim Gorkiy ham Mark Tven ijodiga oʻta yuksak baho bergan.

- Bilyard oʻynash – yozuvchining sevimli mashgʻuloti boʻlgan. Tven bu oʻyinni shunchalar yaxshi koʻrganki, sherik topa olmasa, oʻzi bilan oʻzi musobaqalashgan.

- Mark Tvenning eng yaqin doʻstlari orasida taniqli ixtirochi – Nikola Tesla ham boʻlgan.

- “Tom Soyerning sarguzashtlari” asaridagi voqealar haqiqatdan ham dunyoda mavjud shaharda, yozuvchining bolaligi oʻtgan joylarda sodir boʻladi.

- Tom Soyer haqidagi kitob muallif tomonidan yoshi kattalar uchun yozilgan. Ammo, keyinchalik u oʻsmirlar orasidagi eng mashhur kitobga aylanib ketgan.

- Mark Tven “Tom Soyer sarguzashtlari” asarini yagona oʻgʻlining oʻlimidan keyin yoza boshlagan. Bir yarim yoshlik Lengdon Klemens 1872-yilning 2-iyun kuni difteriya kasalligidan vafot etgan. Mark Tven oʻgʻlining oʻlimida oʻzini ayblagan. U bola bilan koʻchada sayr qilib yurganda xayolga berilib ketgan va bolaning ustidagi yopinchiqning pastga tushib ketganini payqamay qolgan. Oʻgʻlining oʻlimidan keyin oʻzini chalgʻitish maqsadida bolalik davri haqida hikoyalar yoza boshlagan.

- “Tom Soyerning sarguzashtlari” – matni yozuv mashinkasida terilgan dunyodagi birinchi adabiy asardir.

• Tarix
• qiziqarli