Davlat muhofazasiga olingan moddiy madaniy meros ob’yektlarini buzish yoki ularga shikast yetkazganlik uchun jinoiy javobgarlik belgilanadi.

Qayd etilishicha, O‘zbekiston Respublikasi Prezidenti tomonidan “Moddiy madaniy meros ob’yektlarining muhofaza qilinishi kuchaytirilishi munosabati bilan  O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida”gi O‘RQ-754-sonli Qonun imzolandi.

Bosh prokurorning qonunchilik tashabbusi huquqi asosida ishlab chiqilgan mazkur qonunda Jinoyat kodeksining 132-moddasida davlat muhofazasiga olingan moddiy madaniy meros ob’yektlarini buzish yoki ularga shikast yetkazishda ifodalanadigan qilmishlar og‘ir jinoyatlar toifasiga o‘tkazilib, ularni uchun 7 yilgacha ozodlikdan mahrum qilish jazosi belgilandi;

Shunindek, ushbu toifadagi jinoyatlar bo‘yicha dastlabki tergovni amalga oshirish ichki ishlar organlaridan prokuratura organlarining tergovchilari vakolatiga o‘tkazildi.

Bundan tashqari, madaniy meros agentligining ko‘rsatmalarini bajarishdan bo‘yin tovlash uchun ma’muriy javobgarlik belgilandi.

• Bosh prokuratura
• Madaniy meros