Joriy yil 17-dekabr, juma kuni Toshkent shahridagi Renessans arenada katta boks oqshomi tashkillashtiriladi. Kechaning markaziy jangi super yarim o‘rta vazn toifasida fransiyalik Mishel Soro va o‘zbekistonlik Isroil Madrimov o‘rtasida bo‘lib o‘tishi rejalashtirilgan.
Bu jang g‘olibi WBA Super kamari uchun ringga chiqish imkoniyatini yanada yaxshilab oladi. Bellashuvdan oldin fransiyalik bokschi o‘z fikrlarini bildirib o‘tdi.
“17-dekabrni intiqlik bilan kutyapman. Bu bahsda chempionlik jangim yo‘lidagi so‘nggi qadamimni tashlayman. Raqibim professional boksda bor-yo‘g‘i 7 bor ringga chiqqan va men bilan shunday muhim jangda to‘qnash kelayotganiga qoyil qolish kerak. Ammo, men xohlagan raqibni, xohlagan joyda yengaman. Bunga avval Toshkentda, keyin esa jahon chempioniga aylanganimda guvohi bo‘lasizlar" – dedi Soro.
34 yoshli Mishel professional boksda hozirgacha 38 bor ringga ko‘tarilgan va 35 g‘alaba, 2 mag‘lubiyat hamda 1 durang qayd etgan. Madrimov esa 7 jang o‘tkazib, ularning barchasida g‘alaba qozongan. Gʻalabalardan 5 tasi muddatidan oldin qo‘lga kiritilgan.
Katta boks kechasida Isroildan tashqari, Shahram Gʻiyosov, Hasanboy Do‘smatov, Bektemir Meliqo‘ziyev, Iqboljon Xoldorov, Elnur Abduraimov va Dilshod Ro‘zmetov singari o‘zbekistonlik bokschilar ringga ko‘tarilishadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!