Organizmdagi magniy tanqisligini salomatlikdagi oʻzgarishlar orqali ham aniqlash mumkin. Bu haqida nutrisiolog Olga Kovinenko maʼlum qildi.

Mutaxassisning aytishicha, magniy tanqisligini quyidagi belgilar orqali aniqlash mumkin:

• Oyoqlardagi noqulaylik hissi. Kun kech boʻlgan vaqtda oyoqlarda yoqimsiz his paydo boʻladi. Bemor vaziyatni yengillashtirish uchun oyoqlarini tinmay qimirlatadi, bu esa oʻz navbatida betartib uyquga sabab boʻladi;

• Tomirlarning tez-tez tortishib qolishi. Bu kabi vaziyat koʻp hollarda tunda kuzatiladi;

• Bosh va yurak sohasidagi ogʻriqlar;

• Surunkali charchoq (tongda uyqudan uygʻonib ham charchoq hissini tuyasiz);

• Tinimsiz ravishda asabiylashish, ruhiy xurujlar;

• Uyqusizlik, uxlash bilan bogʻliq muammolar.

Mutaxassis organizmda magniy tanqisligi mavjud boʻlsa, bu holat uyqusizlikni keltirib chiqarishini taʼkidlagan. Bunday vaziyatda zudlik bilan shifokorga murojaat qilish lozim.

• salomatlik