“Yuventus” sobiq bosh murabbiyi Andrea Pirlo faoliyatini Portugaliyada davom ettirishi mumkin.

Calciomercato.it maʼlumotlariga koʻra, 42 yoshli mutaxassis “Benfika” qiziqishlari doirasiga kiradi.

Portugaliya klubi prezidenti Rui Kosta bir qancha nomzodlarni, shu jumladan, italiyalik nomzodini ham koʻrib chiqmoqda. Kosta va Pirlo bir paytlar “Milan”da birga oʻynashgan.

Oʻz navbatida, “Benfika”ning hozirgi bosh murabbiyi Xorxe Jezusning kelajagi jamoa Chempionlar ligasi 1/8 finaliga chiqqaniga qaramay, noaniqligicha qolmoqda.

Maʼlumot uchun, italiyalik mutaxassis joriy yilning avgust oyida Turin klubini tark etgan edi. Bungacha u “Yuventus”ning oʻrinbosarlar tarkibida ham faoliyat yuritgan.

• Futbol
• Xorij