Nomaʼlum shaxslar “Manchester Yunayted” himoyachisi Viktor Lindelyofning uyiga bostirib kirishdi.
Hujum chorshanba kuni 27 yoshli shved futbolchisi Premyer-liga doirasida “Brentford”ga qarshi oʻyinda (3:1) yuz berdi.
Futbolchining rafiqasi Mayyaning aytishicha, bosqinchilar Manchesterdagi uylariga bostirib kirishidan oldin u kichkina bolalari bilan xonaga yashirinib, eshikni qulflab olishga muvaffaq boʻlishgan.
“Vaziyatdan kelib chiqib, biz yaxshimiz. Lekin, albatta, bu meni va bolalarni juda qattiq qoʻrqitdi. Hozir biz Shvetsiyadamiz, oilamiz bilan vaqt oʻtkazyapmiz”, — deb yozgan Maya oʻzining Instagram sahifasida.
Maʼlum boʻlishicha, “Manchester Yunayted” bosh murabbiyi Ralf Rangnik bugun Viktorga dam bergan va uni 22-yanvar kuni “Vest Xem”ga qarshi oʻyinga chaqirmagan.
“U nima boʻlganini aytdi. Travmatik tajriba. Lindelyof rafiqasi va bolalarini yolgʻiz qoldirmoqchi emas. Biz bugun u mashgʻulot oʻtkazmasligi, ertaga oʻynamasligiga kelishib oldik”, — dedi nemis mutaxassisi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!