“Manchester Yunayted”ning zoʻrlashda ayblanayotgan hujumchisi Meyson Grinvud garovda qoladi, deb xabar beradi BBC.

Manbaga koʻra, 24-iyun kuni sud 20 yoshli futbolchini garov evaziga ozod qilish muddatini uzaytirgan. 

Manchester politsiyasi futbolchiga nisbatan ayblov eʼlon qilinmagunicha yoki qoʻyib yuborilmaguncha ish boʻyicha boshqa xabarlar kelmasligini aytgan.

Qayd etish mumkin, Grinvud shu yilning yanvar oyida oʻzining sobiq sevgilisi Xarriet Robsonning kaltaklangani haqidagi video va fotosurat, shuningdek, uni zoʻrlagani aks etgan audio boʻyicha ayblovlaridan soʻng hibsga olingan edi. Shundan soʻng hujumchi uch kun hibsda oʻtirdi.

Ushbu voqeadan soʻng “Manchester Yunayted” futbolchini oʻyin va mashgʻulotlardan chetlatdi.

• Futbol
• Sud
• Xorij