Misrlik arxeologlar Sakkara nekropolida 2500 yillik qadimiy artefaktlar, jumladan, mumiyo va bronza haykallar dafn etilgan joy topilganini ma’lum qildi.
Misrning Antik asarlar oliy kengashi bosh kotibi Mustafo Vaziriyning ta’kidlashicha, topilma ichida yaxshi saqlangan mumiyolari bo‘lgan 250 ta bo‘yalgan sarkofag mavjud.
Yog‘och sarkofaglardan birida birinchi marta butunlay saqlanib qolgan muhrlangan papirus topilgan. Vaziriyning fikricha, unda “Marhumlar kitobi”dan maxsus boblar tushirilgan. Endilikda hujjat keyin o‘rganish uchun muzeyga topshirilgan.
Shuningdek, qazishmalar davomida marosimlar uchun ishlatiladigan asboblar va Qadimgi Misrning so‘nggi davriga (miloddan avvalgi 500 yillarga) tegishli 150 ta misrlik xudolarning bronza haykallari topilgan. Aksariyati qadimgi ilohlar – Anubis, Amun, Min, Osiris va Isida qiyofasida yaratilgan.
Miloddan avvalgi XV asr – Yangi qirollik davriga oid topilmalar bo‘lgan “kesh” olimlarning alohida e’tiborini tortgan. Unda bronza oyna, bilaguzuklar, bo‘yinbog‘lar, sirg‘alar va bilaguzuklar bo‘lgan.
Batafsil tahlildan so‘ng barcha topilmalar Gizaning Buyuk Piramidalari yonida qurilayotgan va shu yil oxirida ochilishi kerak bo‘lgan Buyuk Misr muzeyiga yuboriladi.
Misr hukumati bunday arxeologik topilmalar to‘lqini mintaqada turizm industriyasini jonlantirishga yordam berishiga umid qilmoqda. So‘nggi o‘n yil ichida mamlakat iqtisodiyoti siyosiy betartiblik va koronavirus pandemiyasidan qattiq zarba olgan, shuning uchun chet eldan odamlar oqimi har qachongidan ham ko‘proq kutilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!