Samarqand davlat arxitektura va qurilish instituti boʻlim boshligʻi $5 ming AQSh miqdoridagi pora bilan qoʻlga tushdi. Bu haqda Samarqand viloyati IIB Axborot xizmati xabar berdi.
Kecha, 1-iyul kuni Samarqand viloyati IIB JQB Korrupsiya va iqtisodiy jinoyatlarga qarshi kurashish boʻlimi hamda DXX Samarqand viloyati boshqarmasi xodimlari hamkorligida tezkor tadbir oʻtkazildi. Ushbu tadbir davomida, huquqni muhofaza qiluvchi organlarga fuqaro ariza bilan murojaat qilgan.
Arizada keltirilishicha, murojaatchi jiyani S.ni oʻqishga kirishi uchun hujjat topshirish tartibi bilan tanishib yurgan vaqtida, Samarqand davlat arxitektura va qurilish instituti Sirtqi boʻlim boshligʻi X.V. bilan tanishib qolgan.
Ushbu shaxs uning ishonchiga kirib, jiyanini dizayn fakultetiga oʻqishga joylashtirib qoʻyishini aytgan. Buning evaziga esa undan $5 ming AQSh miqdoridagi pullarni talab qilgan.
Mazkur arizaga asosan, ayblanuvchi kelishilgan pullarni olgan vaqtida huquqni muhofaza qilish organi xodimlari tomonidan, ashyoviy dalillar bilan qoʻlga olingan.
Holat yuzasidan Samarqand shahar IIO FMB tomonidan tergovga qadar tekshirish harakatlari olib borilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!