Yahoo Finance 2021-yilning “eng yaxshi” va “eng yomon” kompaniyalarini aniqlash uchun 1541 foydalanuvchi o‘rtasida so‘rovnoma o‘tkazdi. Bu haqida provayder saytida xabar berilgan.
Qayd etilishicha, provayder so‘rovnomadan tashqari bozor ko‘rsatkichlari va kompaniyalarning yil davomida erishgan yutuqlarini ham tahlil qilgan. Microsoft yilning “eng yaxshisi”deb topilgan, uning kapitallashuvi 2 trillion dollardan oshib, aksiyalari 53 foizga ko‘tarilgan.
Xabarga ko‘ra, so‘rovnomada qatnashgan amerikaliklar Meta’ni yilning “eng yomon” kompaniyasi deb baholagan. Yahoo Finance so‘roviga ko‘ra, ikkinchi o‘rindan Alibaba o‘rin olgan.
Shuningdek, foydalanuvchilar sobiq Facebook’ni yoqtirmasliklarining bir qancha sabablarini keltirgan.
Respondentlar Sukerbergning kompaniyasini senzurada, yolg‘on axborot tarqatishda (respondentlarning fikriga ko‘ra, bu odamlar pandemiya xavfini jiddiy qabul qilmasligiga sabab bo‘lgan), shuningdek, ekstremizmning kuchayishi va “dunyo bo‘ylab demokratiyaga putur yetkazayotganlikda” ayblagan.
Bundan tashqari, ko‘pgina respondentlar kompaniyaning bolalar va o‘smirlarga salbiy ta’sirini qayd etgan. O‘z navbatida, Meta vakillari so‘rovnoma natijalariga hech qanday reaksiya bildirmagan.
So‘rovnomada qatnashganlarning 30 foizga yaqini kompaniya “aybini yuvishi” mumkinligini aytgan. Buning uchun u xatolarini tan olishi, kechirim so‘rashi va foydaning katta qismini xayriya ishlariga sarflashi kerak, degan fikrlar ilgari surilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!