Bugun, 22-iyul kuni Milliy matbuot markazida “Mikrokreditbank” ATB tomonidan “Mikrokreditbank tomonidan davlat dasturlari doirasida amalga oshirilayotgan ishlar va istiqboldagi rejalar” mavzusida matbuot anjumani oʻtkazildi. Tadbir davomida “Mikrokreditbank” ATB Boshqaruvi raisi oʻrinbosari Rustam Sulaymonov bank tomonidan davlat dasturlari doirasida amalga oshirilayotgan ishlar toʻgʻrisida maʼlumot berdi.
Aniqlanishicha, joriy yilda bank aktivlari 8 foizga, kredit potfeli 7 foizga, depozitlar qoldigʻi 29 foizga, shundan aholi omonatlari qoldigʻi 21 foizga oʻsgan. Bank tomonidan mijozlarga xizmat koʻrsatish sifati va sharoitlarini yaxshilash maqsadida 15 ta yangi, zamonaviy ixcham bank xizmatlari markazlari faoliyati yoʻlga qoʻyilgan.
Vengriya davlatidan 300 dona yangi bankomatlar olib kelingan va ushbu qurilmalar chekka hududlardagi 24/7 xizmat koʻrsatish ofislariga joylashtirilgan.
Bank tomonidan joriy yilning oʻtgan 6 oyi davomida barcha moliyalashtirish manbalari hisobidan jami 2 871 mlrd. soʻm miqdorida kreditlar ajratilib, 37 mingdan ortiq aholi bandligi taʼminlangani maʼlum qilindi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!