UEFAning xabar berishicha, Chempionlar Ligasi 1/8 finaliga qurʼa tashlash marosimi qaytadan oʻtkaziladi. 

Biroz avval boʻlib oʻtgan qurʼa tashlash marosimi bekor qilindi. Maʼlum boʻlishicha, “Atletiko” jamoasi qurʼa tashlash marosimidagi xato sabab UEFAʼga shikoyat qilgan.

Dastlabki qurʼa jarayonida texnik xato sabab “Manchester Yunayted” nomi “Vilyarreal”ning raqibi aniqlanayotgan savatchaga tushib qolgan. Buning ketidan yana uchta holatda qoida buzilgan: “Atletiko”ning raqibi aniqlanayotganda savatga “Liverpul”ning qoʻshilib qolgan,“Manchester Yunayted” “Atletiko”ning raqibi aniqlanayotgan vaqtda savatda yoʻq boʻlgan; “Liverpul” esa “Vilyarreal”ning raqibi aniqlangan savatda yoʻq boʻlgan.

Shu tariqa UEFA dastlabki qurʼa marosimini bekor qildi va uning qaytadan oʻtkazilishini maʼlum qildi.

1/8 finalga takroriy qurʼa tashlash marosimi bugun, 13-dekabr kuni Toshkent vaqti bilan 19:00 da oʻtkaziladi.

• Futbol
• Xorij