Misr hukumati oʻz fuqarolarini Ukrainani tark etishga chaqirdi.

Keltirilishicha, Misrning Kiyevdagi elchixonasi o‘z aholisini imkon qadar tezroq mamlakatni tark etishga chaqirgan.

Misr diplomatlari vatandoshlarini jo‘nash vaqtida maksimal darajada ehtiyotkor bo‘lishga va xavfli hududlardan uzoqroq turishga chaqirdi.

Avvalroq Xitoy, AQSh, Qozog‘iston va O‘zbekiston o‘z fuqarolarini Ukrainani tark etishga chaqirgan edi.

Ma’lumotlarga ko‘ra, Ukrainadagi Serbiya elchixonasi ham xavfsizlik nuqtai nazaridan vaqtincha yopilgan.

“Biz Rossiya bilan birgamiz” jamoat harakati raisi Vladimir Rogov avvalroq sakkiz davlat Ukrainadagi o‘z elchixonalarini yopib, vatandoshlarini Ukraina hududidan evakuatsiya qilishga chaqirganini aytgan edi.

Jumladan: Xitoy, Qozog‘iston, O‘zbekiston, Serbiya, Belarus, Qirg‘iziston, Tojikiston va Turkmaniston davlatlari o‘z fuqarolariga Ukrainadan chiqib ketishga chaqirgan.

• AQSh
• Misr
• Rossiya
• Ukraina