Misrdagi Luksor shahrining gʻarbiy qismida joylashgan Amenxotep III maqbarasi xarobalaridan har birining uzunligi 8 metrga teng keladigan ikkita sfinks haykali topildi. Topilmalar olimlar uchun Fiva shahridagi qadimiy ibodatxonani qayta tiklash maqsadida sarf etilgan koʻp yillik mehnatning mukofoti boʻldi.

Haykallar Xurig Suruzian rahbarlik qilayotgan Germaniya-Misr xalqaro missiyasi ishtirokchilari tomonidan topilgan. Ular Luksordagi Amenxotep III ibodatxonasini qayta tiklash jarayonida firʼavn qiyofasi aks ettirilgan Memnon haykallarini ham topishgan.

Misr Respublikasi Turizm va tarix vazirligining maʼlum qilishicha, sfinks haykallarida Amenxotep III qiyofasi aks ettirilgan. Odatda ushbu hukmdorni yoʻl-yoʻl chiziqli bosh kiyim kiygan va keng marjon taqib olgan koʻrinishda tasvirlaganlar. Sfinkslarni tozalash jarayonida ularga haqiqatdan ham Amenxotep III ismi yozilgani aniqlangan.

Arxeologlar hududdan Sexmet ilohining butun holatda saqlanib qolgan haykallarini, shuningdek ustunli zal xarobalarini ham topishgan. Zal devorlari qumdan qurilgan boʻlib, yuza qismida firʼavnning hayotiga oid suratlar saqlanib qolgan.

• Tadbirkorlik
• Tarix
• qiziqarli