Neapolitan universiteti va Polsha fanlar akademiyasi arxeologlari Misrdan qadimgi Quyosh ilohi ibodatxonasi qoldiqlarini topdilar. Ibodatxona 4500 yil avval barpo qilingan va butunlay boshqa inshootni izlash bilan band boʻlgan olimlar tomonidan tasodifan topib olingan.
Misrshunos professor Massimiliano Nussoloning aytishicha, ibodatxona qoldiqlari Qohira yaqinidagi Abu-Gurabi ibodatxonasining poydevori ostida boʻlgan. “19 asr arxeologlari inshootning maʼlum bir qismigina topa olishgan va ularni ibodatxona qurilishining ilk bosqichlaridagi qoldiqlar deb taxmin qilishgan. Bizning kashfiyotlar esa bu mutlaqo boshqa turdagi inshoot ekani, uning Nusra ibodatxonasi kabi qurilganini koʻrsatadi”, deydi arxeolog.
Topilmalar orasida firʼavnlarning ismlari qayd etilgan muhrlar, ustunlar, eramizdan avvalgi 25 asrga tegishli boʻlgan koʻplab sopol idishlar xam bor. Arxeologlar inshoot katta ehtimol bilan Ra ilohi ibodatxonasi ekanligini maʼlum qilishgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!