“Oʻrgimchak odam: Uyga yoʻl yoʻq” filmi 12 kun ichida kinoprokatlarda 1 milliard AQSh dollari miqdorida mablagʻ toʻpladi va pandemiya davrida bunday koʻrsatkichni qayd etgan ilk filmga aylandi. Oxirgi marta aynan shunday natija 2019-yilning dekabr oyida “Yulduzlar jangi”ning toʻqqizinchi epizodi tomonidan qayd etilgan edi.

Taqdimotdan keyingi birinchi dam olish kunida 253 million dollar miqdorida foyda keltirgan film tarixdagi eng muvaffaqiyatli kino asarlari reytingidagi uchinchi oʻringa chiqib olgan.

Filmga boʻlgan qiziqishni unda bosh rollarni ijro etgan ijodkorlar – Tom Xolland va Zendayaning suratga olish ishlari jarayonida bir-birlariga koʻngil qoʻyganlari va buni muxlislarga maʼlum qilganlari ham keskin oshirib yubordi. Ularning film taqdimotida va turli tok-shoularda birga ishtirok etganlari film foydasiga ishlagan.

• Kino
• mashhurlar
• qiziqarli