“Manchester Yunayted” rahbariyati jamoa posboni David de Xea bilan yangi shartnoma borasida muzokaralar o‘tkazishni rejalashtirgan. 

Bu haqda Goal.com Fichajes nashriga asoslanib xabar bermoqda. De Xeaning “qizil iblislar” bilan amaldagi shartnomasi 2023-yilning iyun oyi oxirigacha tuzilgan. 

Klub ispaniyalik futbolchini arzon narxda sotishdan qo‘rqadi, shu bois “mankunianlar” unga tezroq yangi mehnat shartnomasi taklif qilish niyatida.

Eslatib o‘tamiz, David de Xea 2011-yilning yozidan beri “Manchester Yunayted”da o‘ynab kelmoqda. O‘n yildan ko‘proq vaqt davomida darvozabon “qizil iblislar” safida 456 ta o‘yin o‘tkazib, 487 ta gol o‘tkazib yuborgan.

• Futbol