Yarimhimoyachining oʻtgan mavsumdagi ajoyib oʻyinlaridan soʻng, klub unga noyabr oyida yangi shartnoma taklif qildi, chunki ular portugaliyalikning maoshini oshirishga loyiq deb hisoblashdi.
The Athletic xabariga koʻra, futbolchi va uning vakillari bu taklifni rad etishgan va muzokaralar vaqtinchalik toʻxtatilgan. Manbalarning taʼkidlashicha, bu masala boʻyicha muloqot may oyida, Bruno ham, “Manchester Yunayted” ham 2022/23 yilgi mavsumda klubning qanday darajada boʻlishini yaxshiroq bilishganida tiklanishi kutilmoqda.
Fernandes haftasiga taxminan 100 ming funt maosh oladi. “Sporting”da u haftasiga 50 ming funt olayotgan edi.
Bu borada Krishtianu Ronaldu — haftasiga 400 ming funtdan ortiq, David De Xea — haftasiga 375 ming funt.
Pol Pogba, Rafael Varan, Entoni Marsiyal, Jeydon Sancho, Edinson Kavani va Markus Reshford esa haftasiga 200 ming funt yoki undan koʻp maosh oladi.
Xarri Maguayr va Lyuk Shouning maoshlari bu koʻrsatkichga yaqinni tashkil etadi.
Oʻz navbatida, Bruno “Yunayted”ning oʻyiniga taʼsirini hisobga olib, jamoaning eng koʻp maosh oluvchi futbolchilari bilan teng boʻlishni xohlaydi.
“Manchester Yunayted” hozirgi vaziyatdan xavotirda emas, chunki futbolchining amaldagi shartnomasi 2025-yilning iyunida yakuniga etadi. Shuningdek, shartnoma yana bir mavsumga uzaytirish variantini oʻz ichiga oladi.
Maʼlumot uchun, “Manchester Yunayted” safida APLda 70 ta oʻyinda maydonga tushgan yarimhimoyachi 33 ta gol urdi va 22 ta golli uzatmani amalga oshirdi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!