Joriy yilning 23-noyabr kuni Toshkent davlat iqtisodiyot universiteti tarbiyachisi Joʻrabek Boltayev soat 22:00 dan keyin talabalar turar joyiga kechikib kelgan talabalarga tushuntirish ishlarini olib borayotgan vaqtda Raqamli iqtisodiyot fakultetining 4-kurs talabasi Nurmurod Mamanov bilan oʻzaro gap talashib qoladi. 

Natijada, talaba universitet TTJ dan chiqib ketadi. Ushbu voqeadan xabar topgan bir qator maʼsullar talabalar turar joyiga yetib kelishadi. Boʻlgan voqealarni oʻrganib, talabani universitet yotoqxonasiga joylashtirishadi. 

Qayd etilishicha, tortishuvda asosiy sabablardan biri sifatida koʻrsatilgan 200 ming soʻm, talabaning oʻtgan yil talabalar turar joyida yashaganligi uchun qarzdorligi va ushbu pul mablagʻ universitet tomonidan qoplanganligi qayd etilgan. Aslida asosiy muammo talabaning kechikishi bilan bogʻiq boʻlgan. 

Mazkur jarayon universitet rahbariyati tomonidan muhokama qilinib, tarbiyachi pedagog  J.Boltayev oʻz ishiga maʼsuliyatsizlik qilgani tufayli lavozimidan ozod etildi. Talabaga esa nooʻrin xatti-harakatlarni qayta sodir etmasligi uchun tushuntirish berilgan.

• O‘zbekiston