“Ingenuity” uchuvchisiz qurilmasi Qizil sayyora ustida yarim soatlik parvozni amalga oshirdi va ushbu koʻrsatkich ishlab chiqaruvchilarning kutgan natijalaridan ham yuqoriroq boʻldi.
NASAga tegishli boʻlgan “Ingenuity” vertolyoti Marsda 30 daqiqayu 48 soniyalik parvozni amalga oshirgan va bu rekord natija hisoblanadi. Kosmik agentlikning rasmiy vakillari missiya jamoasi bunday ajoyib natijani kutmagani haqida aytgan.
Rekord darajadagi koʻrsatkich apparatning 17-parvozi vaqtida qayd etilgan. U parvoz qilgancha ayni vaqtda Yezero kraterini oʻrganish bilan mashgʻul boʻlgan “Perseverance” marsoxodini kutib turadigan nuqta tomon harakatlangan.
Ogʻirligi 1,8 kilogrammni tashkil qiluvchi “Ingenuity” vertolyoti Qizil sayyorada shu kunga qadar 3593 metrlik masofani bosib oʻtgan, 12 metr balandlikkacha koʻtarilgan va sekundiga 5 metr tezlik bilan harakatlangan.
Mini-vertolyot Marsda parvozlarni boshqarish imkoniyati mavjud ekanligini isbotlash uchun tajribaviy qurilma sifatida Qizil sayyoraga yuborilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!