AQSh Milliy aerokosmik agentligi (NASA) VIPER tijoriy roverining Oyga uchirilish muddatini 2024-yilgacha kechiktirdi. Bu haqda NASAning rasmiy saytida ma’lum qilindi.

“Astrobotic” kompaniyasi roverni 2023-yilning noyabrida Oyga yetkazish rejalashtirgan edi, biroq NASA kompaniyadan qurilmani Oyning Janubiy qutbiga 2024-yil noyabr oyida yetkazishni so‘radi”, – deyiladi agentlik saytida.

NASAning ushbu qaroriga missiyaning xavfsizligini ta’minlash uchun Yerda qo’shimcha sinov jarayonlarini o’tkazish niyati sabab bo’lgan. Aynan mana shuning uchun ham roverni Oyga yetkazish muddati kechiktirilgan.

Rover Oyga muz va potensial resurslarni qidirish, samoviy jism yuzasini o'rganish uchun yuboriladi, to’plangan ma'lumotlar keyingi missiyalarni rejalashtirishda olimlarga yordam beradi.

• Koinot
• NASA
• Olimlar
• ilm-fan
• kosmos
• tadqiqot
• texnologiya