NATO bosh kotibi Yens Stoltenberg energiya inqirozi va narxlar koʻtarilishiga qaramay Ukrainaga harbiy, moliyaviy va gumanitar yordam koʻrsatishni toʻxtatmaslik kerakligini taʼkidlab oʻtdi.

“Biz iyun oyida Ukrainani qoʻllab-quvvatlash maqsadida yirik yordam paketlarini tayyorlashga kelishib olganmiz. Ittifoqdoshlar unga harbiy, moliyaviy va gumanitar yordam koʻrsatishadi. Kelgusi oylarda bizning birdamligimiz va hamjihatligimiz sinovdan oʻtadi. Energiya taʼminoti va narxlarning koʻtarilishi bilan bogʻliq muammolar mavjud. Biz toʻlaydigan narx pul bilan, ukrainaliklar toʻlaydigan badal esa hayot bilan oʻlchanadi”, – dedi Stoltenberg Bryusselda oʻtkazilgan matbuot anjumanida.

Ukrainadagi maxsus harbiy operatsiya boshlaganidan keyin Gʻarbning Rossiyaga sanksiyalarni kuchaytirishi Yevropada yoqilgʻi va elektr energiyasi narxlarining oshishiga olib keldi. Shuningdek, bu holat butun dunyo iqtisodiyotiga taʼsir qilmoqda.

• Gumanitar yordam
• Harbiy
• NATO