O‘tgan kunlar davomida NATOning bir qator ittifoqchilari hozir yoki kelgusida o‘z harbiy texnikalarini joylashtirish bo‘yicha o‘z qarorlarini e’lon qilishdi. Bunga sabab, Rossiya Ukraina va uning atrofida o‘z harbiy qudratini oshirishda davom etayotgandi deya izohlanmoqda.

Xususan, Daniya Boltiq dengiziga Fregat yuborib, NATOning mintaqadagi uzoq yillik havo politsiyasi missiyasini qo‘llab-quvvatlash uchun Litvaga to‘rtta F-16 qiruvchi samolyotini joylashtirmoqchi.

Ispaniya esa NATO harbiy-dengiz kuchlariga qo‘shilish uchun kemalar jo‘natmoqda va Bolgariyaga qiruvchi samolyotlar yuborish imkoniyatini ko‘rib chiqmoqda.

Fransiya Ruminiyaga NATO qo‘mondonligi ostida o‘z qo‘shinlarini yuborishga tayyorligini bildirdi. Niderlandiya NATOning mintaqadagi havo politsiyasi faoliyatini qo‘llab-quvvatlash uchun aprel oyidan boshlab Bolgariyaga ikkita F-35 qiruvchi samolyotini jo‘natishni rejalashtirgan. Shuningdek, NATOga tegishli javob kuchlari kema va quruqlikdagi bo‘linmalarini tayyor holatga keltirmoqda.

Bundan tashqari, Qo‘shma Shtatlar, Alyansning sharqiy qismida o‘z harbiy ishtirokini oshirish masalasini ko‘rib chiqayotganini ham ochiq tan oldi.

 – Ittifoqchilarning NATOga qo‘shimcha kuchlar kiritishini ma’qullayman. NATO barcha ittifoqchilarni himoya qilish va bu uchun barcha zaruriy choralarni ko‘rishda davom etadi, shu jumladan Ittifoqning sharqiy qismini mustahkamlash. Biz har doim xavfsizlik muhitimiz yomonlashishiga, shu jumladan, jamoaviy mudofaani kuchaytirish orqali javob beramiz, - deya munosabat bildirgan NATO Bosh kotibi Jens Stoltenberg o‘z nutqida.

Ma’lumot uchun, NATO mudofaa ittifoqi. 2014-yilda Rossiyaning Qrimni noqonuniy anneksiya qilishiga javoban NATO Alyansning sharqiy qismida, jumladan Estoniya, Latviya, Litva va Polshadagi to‘rtta ko‘pmillatli jangovar guruhlarda ishtirokini kuchaytirgandi.

• NATO
• Xorij