Zarafshon shahrida istiqomat qilayotgan A.D. tanishi O.G. bilan til biriktirib Zarafshon shahridagi kon boshqarmada faoliyat yuritishni maqsad qilgan A.S. va uning o‘g‘lini ishga kiritib qo‘yish va xizmati evaziga mo‘may daromadli bo‘lishni ko‘zlagan. Bu haqda viloyat IIB axborot xizmati xabar berdi.
Qayd etilishicha, shu maqsadda oldindan talab qilingan 800 AQSH dollarini shahardagi “So‘g‘diyona” kafesida olayotgan “biznes hamkorlar” jinoyat ustida qo‘lga olingan.
“Mamlakatimizda yaratilayotgan sharoitlar yoshlar uchun keng imkoniyatlar eshigini ochayotgani hech kimga sir emas. Ammo oramizda maqsadlari yo‘lida firibgarlikka qo‘l urayotgan yoxud berilgan ishonchni suiiste’mol qilayotgan yoshlar hamon topilmoqda”, – deyiladi xabarda.
Mazkur holat yuzasidan A.D. va O.G.ga nisbatan O‘zbekiston Respublikasi Jinoyat kodeksining tegishli bandlari bilan jinoiy ish qo‘zg‘atilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!